ຍິນດີຕ້ອນຮັບສູ່ ເວັບໄຊທ໌ ທັອບຊາຍນ໌ ລາວ (Top Science Laos)

ທັອບຊາຍນ໌ (Top Science) ເປັນສູນການຮຽນຮູ້  ໂດຍໃຊ້ວິທີການຖ່າຍທອດຄວາມຮູ້  ກ່ຽວກັບວິທະຍາສາດ ແບບໃໝ່ຈາກປະເທດເກົາຫລີໃຕ້ ສຳລັບເດັກນ້ອຍ ອາຍຸ 6-14 ປີ, ແນໃສ່ເສີມສ້າງທັກສະດ້ານການວິເຄາະ ແລະ ແກ້ໄຂບັນຫາດ້ວຍເຫດ ແລະ ຜົນໃຫ້ແກ່ເດັກນ້ອຍ ໃນການກະກຽມເຂົາເຈົ້າໃຫ້ພ້ອມ ເພື່ອເປັນຜູ້ໃຫຍ່ທີ່ມີຄຸນນະພາບ.

Top Science ໃຫ້ຄວາມສຳຄັນຕໍ່ກັບວິທີການຖ່າຍທອດຄວາມຮູ້ ເພື່ອໃຫ້ເຂົ້າໃຈ ໂດຍທີ່ບໍ່ຕ້ອງເລົ່າຄືນົກແກ້ວ ແລະ ໄດ້ສ້າງວິທີການສິດສອນ ເພື່ອບັນລຸເປົ້າໝາຍດັ່ງນີ້:

1. ຮຽນມ່ວນ - ຮຽນຮູ້ທິດສະດີຂັ້ນພື້ນຖານທາງວິທະຍາສາດ ແບບເຂົ້າໃຈງ່າຍ ໂດຍຜ່ານວິທີການສອນ ແລະ ສື່ການສອນ ທີ່ທັນສະໄໝ ສ້າງຄວາມມ່ວນຊື່ນໃນເວລາຮຽນ.
2. ທົດລອງແທ້ - ເປີດໂອກາດໃຫ້ເດັກນ້ອຍໄດ້ເຮັດການທົດລອງດ້ວຍຕົນເອງ ເພື່ອສັງເກດປະກົດການທີ່ເກີດຂຶ້ນອີງໃສ່ເຫດ ແລະ ຜົນ.
3. ເຂົ້າໃຈແທ້ - ມີການບັນທຶກການທົດລອງແບບປະຈັກຕາ,  ການປະເມີນຜົນການທົດລອງ ແລະ ຕອບຄຳຖາມທ້າຍບົດ.

ນອກຈາກ, ການສ້າງຄວາມເຂົ້າໃຈອັນເລິກເຊິ່ງ ແລະ ບໍ່ມີວັນລືມໃຫ້ແກ່ນັກຮຽນແລ້ວ, Top Science ຍັງກະຕຸ້ນໃຫ້ນັກຮຽນມີຄວາມຄິດລິເລີ່ມ ໃນການສ້າງນະວັດຕະກຳໃໝ່ໆ ແລະ ເສີມສ້າງທັກສະ ໃນການກ້າສະແດງອອກຢ່າງເໝາະສົມ ຜ່ານການອະທິບາຍແນວຄວາມຄິດຂອງຕົນເອງ ໃຫ້ຜູ້ອື່ນໄດ້ເຂົ້າໃຈຢ່າງມີຈຸດຢືນ ອີງໃສ່ເຫດຜົນທີ່ສາມາດພິສູດໄດ້.